ZOMI LATE

183. GAMSA TEN LUITUI LUANG                            Key C 1.    Gamsa te’n luitui luang a lunggulh bang, Topa Nang kong lung gulh hi, Nang mah bek ka lungsim deihna leh Biak dingin kong lunggulh hi.      Nangmah bek ka hatna ka lum,      Nang kiangbek ah ka hong kipia hi,      Nangmah bek ka lungsim deihna leh      Biak dingin kong lunggulh hi.

182. HIH LEITUNGIN KIKHENNA GAM HI.   Key G 1.        Hih leitungin gibing khenna gam hi, Mitphiat kalsung nangawn lungmuan om thei lo, Tu nuam taleng ding khawlnuam ta leng pai, Hih leitung kikhenna gam hi.           Phatni heina peuhah Topa phatni,        Kikhen zongin Jesu sung kimu ding,        Lei ah ih kimu diam vankimlai ah,        Hih leitung kikhenna gam hi.  2.        Kikhen zongin kimuding khawlmun ah, Hih leitungin ih khualzinna gam bek hi, Ih khawlkhawm zong holung cim om man lo, Hih lei khitui luanna gam hi.   3.        Hun leh tuiluang in hong pai khengkheng veh Hih leitungin asawt ding hinawn lo pi, Leitung aw mangpha Jesuh hongnai zo, Kikhen om nawn lo ding van ah. 

181. DEIHNA KHEMPEUH A KICINNNA   Key G 1.    Deihna khempeuh a kicinna,  lawmpha Jesu nei ing, Kei ading tulsawm tulthen sang  hoih zaw hi, Zang kuam unokpaak zah ahoih,  amah bek ken mu ing, Dam nang, siannang ka deih teng a sung om hi.     Dah hun ciang hong hehnemin,     haksatciang bukna hi,    Na vangik khempeuh hong suanin hong ci,     Hallelujah.   Cho:  A mah zangkuam unok paak hi, A taang zingsol zong hi, Kei ading tulsawm tulthen sang hoih zaw hi.   2.   Ka lungkhamna teng lakhia in,  dahna hong puaksak a, Ze-et hun ciang a muanhuai katausang hi, Upna siasak thei nakhempeuh,  ke’n tu’n ka nusia ta, Ka sungpan a vangliatna tawh hong kem hi.       Leitungin kei hong nialin,       satan in hong do hang,      Jesu hangin kama ka tun ding hi,        Hallelujah.   3.    Ama’n hong...

180.  HONG PAALSAK AW                                    Key E 1.    Topa nagam leh na min ading hong tawi-in, Namte tung ah hong tawisangin Zogam leh Zomite hong laam to-in, Na min ading hong laamto in.                           Israel mite na pii bangin         Pa aw ka nuntakna hong pii in,         Sehnel gam Rose paak bangin         Ka nuntak lai ni hong paal sak aw..         Hong paalsak aw.     2.    Zogam lei aw khanglo in thasan in hatin, Kum thak nino hong suak zota, Gam keu gawtaak hong niim ding singcin hong paal ding, Upna khuam bang khosak ta in.   3. ...

179. NA LUKHUTE’N HONG NGAK DIMDEM   Key E,      Kapkawmin kuankhia in,      A tuh ding khaici a pua mi-in,      Lungdamin kikona tawh buhlomte pua-in,      Inn ah hong ciah ding hi.   1.        Leikeuna ah guahin tui abuah bangin, Kathamante’n hong ngak dimdem, Kei ading kikoihzo kham lukhu hoihlua kisa in, Hong tan ziahziah kham lukhute tang pempam, Enin na lukhute’n hong ngak dimdem zen ve leh.   2.        Kiphah dimdem thamante kigual diudeu, Laibute zong kiphen ziahziah, Lungdamna khituite (hong taak keuhkeuh) 2 Vantung mite’n lungdamin hong muak ziahziah, Enin na lukhute’n hong ngak dimdem zen ve leh.   3.        Ka ngah ding vangliatnate ka ngaihsut ciang, Ka thuaknate gentham sa ke’ng, Tuate hang amin siangtho phatning hallelujah, Amen ci-in kham lukhu kakhek mateng, Enin na lukhute’n hong ng...

  178. HONG SIANTHO SAK IN   (Hong siangtho sak in) 2 Khasiangtho hong siangtho sak in Tawlnga hithiat in na khephung kong tun dong Khasiangtho hong siangtho sak in.               

177. HONG PAIKIK DING KA UM HI.   Key G 1.    Mualsang tung khat pan in, Topa van kahto a, Puanpaaksilh minih in nungzuite hehnem hi, Lungzuang kha peuhmah kei un, tu a kilato Jesuh in, Van a kah namuh bangin hong kumkik ding.   A gen bang hong paikik ding ka um hi, Pengkulte ngaihlua kisa-in misite phong ding cih ka um hi, Mitphiat sung kikal in ah vangtung hong keek in ah, A gen bang hong pai kik ding ka um hi.   2.   Topa hong kilat ding, nai mahmah ta kha ding, Tuni zong hithei hi, tuhun zong hi thei hi, Tua hun teh misiang khempeuh, leitungin hup zo nawn lo ding, Van kimlai ah laktohna ngah ding uh hi.

176. ITNA PASIAN   Key :G 1.        Leitung mit tawh mel ka muh loh hang, Vanglian Pa khutin paai bang hong pom den, Naubang hong kepnate, hambang hong huainate, A nopin nuam semsem Hallelujah.   2.        Leitung pilna bang mah neilo a, Lungmawl kei bang lel mimci bang nong tel Sian aw na lenggah huan giabangzun ka cim lo, Laukha siantho tui bang hong dim den aw.   Tung solkhapi a mial zong, tung sunni mual a liam zong, Mualliam theilo kei nong itna…, Cinglo taklo tualniam ka nunna A sanna lam hong kaito, Agape itna Pasian, Na min pakbang kongtawina’n, zaila’n naubang hong awiawi ning maw.    3.        Patpuan hilo, naipuan hilo a, Jesu sisan tawh kizem puan silh tang, Lungin ka gelgel ciang hoihin a hoih semsem, Anbang hong itna lian tumdang diak sang.   4.        Na hehpihna tawh hih ciang kong tung, Mailam ka nunna hong zangtoto aw, Lu...

  175.  TOPA KA NUNNA HONG BAWL HOIH IN                Key G 1.       Ka nuntakna Topa nang aa hi. Muvanlai bang ka thahatna ding Nisim thupha namkimte nong pia, Ka nuntakna Topa nang aa hi.   Topa ka nunna hong bawl hoih sakin, A tawntung na min kong phatzawhna ding Hih leitung ah hu nong koplai tengin A tawntung   namin kong phatden ding.   2.      Topa hoihna leh hehpihna in Ka nuntakna tha hong dim sak hi, Sing bang a keusa ka nuntakna, Gun gei ah singkung bang ka no ta.   3.     Hih leitung ah nopsaknate in, Ka nuntakna hong gum zo lo hi, Jesu min bek tawh ka kalsuan ciang, Gun gei ah sing kung bang ka no ta.

174. THUNGEN KHIAN NING   Key: G 1.    Sep dinga kilawm lopi ka sem kha a, Gen dinga kilawm lopi ka gen kha hi, Tua hun ciang hih ka sem ding, Thupha ka ngah nangin ah Mun khatah gelin thungen khian ning.   (Ken pawh thungen ning) 2 Lam hong pi ding lawmpakhat ke’n nei lel ing, (Ken pawh thungen ning) 2 Mun khat ah gelin thungen khian ning.   2.    Nisim a hong piak thupha teng phat peuh leng, Ka thumna khempeuh hong dawng cih ka thei hi, Mun khat ah gelkhian in ah Ama kiang thungen peuh leng Ka van gik khempeuh hong dawn khia hi.  

173. KA KHUALZINNA HIH LEITUNGAH   Key D 1.     Ka khual zinna hih leitungah, haksatna atam hangin, Ka lamtawpna ah Jesu in hong ngak cih ka thei hi, Tua mun ka tun matengin ah, kalsuan in ka pai ding hi, Van kongkhak pan Jesuh hong ngak, kei zong ka nai semsem.               Kumpi pa mai kamuh ciang Bangzahin a nuam zen tam, Lungdamna letsong ka sang ding hi, Leitung ah ka sepna bangin Thaman hong kipia ding hi, Tua hunciang phawknawn kei naning, Hih leitung haksatnate.   2.    Kong it ulenau lawm leh gual, Hih leitung na nun sung in, Vantungah na thaman dingin bangzah na khol zo hiam, Na sepkhiat bang na piakkhiat bang, Topa’n hong thukkik ni ciang, Maizumin nabu khazaw diam, Lungdamin na om zaw diam.   3.    Hih leitung haksatna leh gimnate  ih thuak hangin ah, Phamawh kei hih leitung gimna tomno khat sung bek hi, Atawntung ka luah ding kham innpi’n Hong ngak cih ke...

172. NONG ZUI DIAM Key E (Lawmaw nong zuidiam tua gamah) 3  kei pai ning… (Lawmaw nong zuidiam tua gamah) 2 .. Tua gamah tua gamah kei pai ning.   ·         Bawngnawi leh khuaizu luanna tua gamah, ·         Itna bek om hi tua gamah, ·         Jesuh ka muding tua gamah, ·         Tua gamin vantung hilo maw.

171. SUP LAWH KEI NING   Key:G 1.     Mite’n Jesu nung zuihna Lungkia in tawpsan mah leh, Ke’n bel ka Cross pua-in ka zui den ding, Nisim in tha hong guan ding, To Jesu kanei zo ta, Suplawh kei ning Jesu nung ka zuih manin.               Hong piaksate bek ah lungdam ka hi kei.. Hong piak laidingte ah zong A min phat ning Tua manin nisimin ah, gualzawhna la ka sa hi. Suplawh kei ning Jesu nung ka zuih manin.   2.        Ka kha nuntakna dingin, Ka muh nai loh vantung gam Upna tawh tung ding ci’n ka gen khawl ngam, Pasian hong kamciam bangin, Hih leitung nakhempeuh zong, Hong piak thuah ding cih upna tawh ka mu ta.  

170. TUA KHUAPI TE ZEIZAI   Key G 1.    Vantung kongkhakte taang pempam Sabuaite kiphah dimdem Kong honsa gei-ah mi khat ding veh, A tee zialzial mun ka mu a,  ka ten nading mun hita, Hih zah liangin, Inn lunggulh ngei ke’ng.   Tua khuapi tee zeizai Inn ka tun ding zong hong nai, Ka pa’n kong khak gei-ah hong ngak zen veleh.. Hih leitung gam simtham pan, Suakta ding kiging zo tang, Hih zah liangin Inn lunggulh ngei ke’ng   2.     A innkuankuan in kikhawm uh, Amai tai thei mahmah uh, A dahmai cihbang kimulo pi, Lunggulhna tawh ka khi luang a, Kha nei leng ka leeng nuamta, Hih zah liangin Inn lunggulh ngei ke’ng.   3.    Puanpak silhin lasa ziahziah, Tuuno pahtawina la hi, Kham gawsem tumin misiang honpi, Phatkhawm veni amau bangmah, Tatsa misiangte hi hang, Hih zah liangin Inn lunggulh ngei ke’ng.

169. TOPA AW KONG MUANG HI   Key: G 1.    Topa aw kong muang hi,  nang mah bek kong muang hi, Hih leitung nuntakna, lungmuan om theilopi; Up theih muan theih dingin,  lungsim hemlam tamsi, Hih leitung ka nun sung,  Topa bek kong muang hi.   Kei hong sung in, kei hong liah in Ka honpa aw,ka suangpi aw Bittakin na kha liim hong seel aw, Lungmuanna huang sungah, Tawldamna liim sungah, Hong lenin hong kha-in, Na angsungah lungmuangtakin, Hong khawl sak aw.   2.    Mite muan ding sangin,  Topa muan hoih zaw hi, Amuang mite lampi, Topa’n huhin keem hi, Hong paisan ngeilo hi, hong nusia ngeilo hi, Hih leitung ka nun sung,  Topa bek kong muang hi.   3.    Hong theikhial ngeilo hi,  hong telkhial ngeilo hi, Amah muanna sungah,  dahna khempeuh veng hi, Hong enkhial ngeilo hi,  hong honkhial ngeilo hi, Hih leitung ka nun sung,  Topa bek kong muang hi.

  168. ITNA SUNG AH PUMKHAT              (Itna sungah pumkhat hi hang) 2 Eite’ lungsim leh Pasian a kizop khit teh Itna sungah pumkhat hi hang.   Tu-in la sakhawm ziahziah ni Topa’n hong it zo cih phawk ni, Khut kilenin ih sepkhop leh mite’n thei ding Itna sungah pumkhat hi hang

167. TU’N NANGA HI TA’NG   Key G 1.        Man neilo hibang lel kei nuntak sung, Hamphatna them zong neilo banah Topa maipha muh nang semzo lo pi’n Hizahta nong it ma’n nuamlua ing. Tun’n nanga hi tang ka gumpa aw, Tubansiah nang thu hi tang, ka To Jesu… Bangbang piang tazong hong phatden ni’ng Nang lo-in bangmah tangtun zo ke’ng.   2.        Ze-etna namkim in kei hong tuam hang, Lungmuang tang’, To Jesu’n hong do sak Simmawh thu’n tamvei hong kinelhsiah zong Gualzo ka To Jesu min phat tang.

166. TOPA LAPTOH ZOMITE   KEY: E 1.     Zomite hong tawisangin,  minam lianin hong bawl a,  Zomite thupha hong pia-in,  Gual tawh tanbangkim dingin,  Pilna siamnate nong pia,  Inn leh lote nong pia aa,  Topa laptoh Zomite  minam lian aw Zomite.  Hong makaih a hong hilh pa Leivui pan hong lam Topa Tagah Inn pan hong domto Kumpi inn dong ah hong kha.   2.    Zomite hong lamto-in,  minam lianin nong bawl a, Zomite thupha nong pia a,  gual tawh tanbangkim dingin,  Mipil tampi nong pia a,  misiam tampi tak nong pia,  Topa laptoh Zomite,  mipil misiam Zomite.    3.    Zomite hong makaihin,  minam lianin nong bawl a, Zomite thupha hong pia in,  gual tawh tanbangkim dingin,  Mihau tampi nong pia aa,  milian tampi zong nong pia,  Topa laptoh Zomite,  mihau milian Zomite. 

  165. JESU IN TOPA HI.   {Jesu in Topa hi Sihna pan thokik zo amah Topa hi Khuk khempeuh khukdin in Leii khempeuh in phat Jesu in Topa hi.} 2         43   NANG BANG OMLO HI   {Nang bang omlo hi, Nang bangin ka lungsim sukha om kei A tawntung tawntung in ka zonzon hang, Mu keng, nang bang omlo hi.} 2 Nong hehpihna guntui bangin hong luang, Na liamma hang ka dam zo, Haksatna pan a tawntung nong hon khia Nang bang omlo hi

  164. JESU A HOIH PEN TOPA   {Jesu a hoih pen Topa Jesu lamdang thulak pa Min khempeuh sangin Minlian zaw kongpia uh hi. Ko tawh hong om khawm, Lamdang hi.} 2                   41      PHAT DING NA KILAWM   {Phat dingna kilawm hi. Pah tawi dingin Khut siangthote lamto sa-in Na min siangtho hong phat ung} 2                             {Nang nalian hi.                             Na bawl nate lamdang hi                             Nang bang omlo hi Topa ...

163. MANGPHA MAN NI             Sawl 20:36-38  Key: A 1.        Eite kikhen nading Hun leh ni hong nai ta Eite kikhen ciangin Lungsim dahna piang   Khitui luanga kikhenna hih leitungah Lungkhamna meiipi zing nuai-ah Khut tawh hong len ding I Topa in I kimuh kik matengin (mangpha manni) A tawntung gungal khatah Van khuapi tualah leng, a tung masa kingak ni Nunna gun tuiluang singgah khum kilawhna Aw... Aw… Aw…munah   2.     Khut kilenni mangpha I van khuapi dongin  Kei hong mangngilh kei in Na heina peuh ah   3.    Mangpha man ni mangpha Khen ta ni khen ta ni,  Omkhawm lai leng nuam lai,  Hun in hong kheng ta.    4.     Tun I kikhen hangin, Nung ciang kimu kik ding, Thangvan khuapi tualah, Kikhen nawn lo ding.

162. LAMET BEI KA OM LAI                                1Cor. 15:3-4  Key F 1.    Lamet bei ka om lai,  Lungmuanna hong tunga,  Ka maiah meiivompi,  hong kai-in ka lampi,  Mialin a lauhuai hang,  khuavak ni hong taang ta,  Kei ading hong pai Jesu kumpi.    Kei tang ading hong sihlawh ka Topa’n Tawntung nunna lampi hong tun zo Kei tang ading hong suplawh ka Topa’n Ka nuntakna hong bawl hoihsak zo   2.    Pheiphung suan kha in bah Mitguite khamin zeu Khatveivei leigawtak Tui omlohna gamah Singkung bang ka nunna  Huihkhi dam sem in keu Ka om laitak Jesuh’n hong delh pah   3.   Kei tang dingin hong ding Kei tang ding hong kithawi Kei thuak ding teng hong thuak Kei sep tang ding hong sem Kei ading hong thumsak Kei tang ding mawhlawh tawi Siattutna teng ama’n tuahin lem

161.  TUUNO PAWIPI SUNGAH                Mang 19:6-8    Key G 1.        Ka teen nading innpi nuam Upna tawh galet ing Hinna guntui luang sialsial Huihdam zong nung hiauhiau Vantungmi siangthote,n Phatna lasa ziahziah Ka teenna ding innpi nuam in kei hong ngak gige   Honpa’n tokhom tungpan Ngaklah in hong enen Hua gungal pekpek ah, kham khuapi nuam sungah Phatna lasa khawm ding, tuuno pawipi sungah   2.     Ka kha bek hong gum hilo Ka pumpi zong hong gum Hih leitung gimna lianpi Hong thuaksak ngeilo ding Van innnuam ka ciah ciang Hong tan Topa Jesuh’n A hong dawn ding a maw, lungdam khut kilen ding.   3.    Hih leitungpan vantungah Ka lentoh ni ciangin Hong honpa vangliatna tawh Ka lengto diaidiai dinga Leitung mangpha ci ding aw  nuam zen si’n teh maw, Hallelui, Halleluijah ci’n phatna la sasa ding.

160. OMDAN KA SIAM TA               Phil. 4:12-13  Key D 1.    Sim leitungah mihing pilna leh siamna, Tha leh ngal hatna ten Topa mu zo kei, Vangik pua leh tawldamna ngah lo ta ding, Thuak dan siam haksa lua To Jesu loin.         Omdan zong ka siam ta Thuakdan zong ka siam ta, Hong makaih a hong hilhpa To Jesu ahi. A piang na khempeuh tung, Lungdam den ding hi tangh, Omdan hong siamsak pa To Jesu ahi.   2.    Sum leh paai deihna leh huaihamnate in, Lam tawp cih om theilo lungkim om theilo, Gentheih haksatna leh lungzuan luankhi tawh, Thuak dan siam haksa lua To Jesu loin.   3.    Gentheih zong ka siam ta,  hauhdan zong ka siam ta, Gilvah leh gilkial zong thuakdan ka siam ta. Hong it Topa Jesu na khempeuh tungah,  Hong thahatsakpa hang hih theihloh nei ke’ng.

159. KIKHENNA OM NAWN LO            Mang .21:1-4; Heb. 2:3  Key E 1.    {Kikhenna om nawn lo } 2 Vantung ka Pa inn ah kikhenna om nawn lo Sihna natnate leh, lungzuanna om nawn lo Tuuno in ni bang taang,  Jerusalem khuathak ah.    Aw tualai gamnuam Lungsimin ka ngaihsut ciang, A nopcit dan noptuak zen si; Tua munah ka pai ciang, Lawmten hong muak dinga, Hong tankhia ka Topa, Khutpawnte ka len ding hi.    2.    {Lawm aw nang na ut hiam} 2 Tatkhiat sate lenna van khuapi ah,  Tua mun tunna dingin Jesu sisan bek hi. Lawm aw nang na ut hiam,  Jerusalem khuathak ah.   3.     Tuni’n Topa sapna, a awnem na zak leh, Na lungsim khauhsak ke’n Jesu zuan vaw, A lian mahmah gupna don lo-in om le ci’n, Mawhna dan tawh bangci’n,  kipelh thei ding na hi hiam?

158. NGAKLAH VENG                            2 Kor 5:1-2  Key E 1.     En ven ka teen na’ng gamnuam Lei mite’n a tel zawh loh Mizawng mipoite leh tagahte nopsakna gam Kei hong simmawh kha ke’n maw Inn leh lo ka neih loh hang Lei Inn sang a phazaw,  vanah Inn khat ka nei hi.                 Ngaklah veng, tua khuapi ka tun hun ding To Jesu a khutpawn ka let ni ciang Lungdamna khituite a luang dinga Kei hong honpa aw ci’n Lungdam in la kasa ding.   2.    En ven tuuno anglai-ah,  melsia mipoi tampite,  Vanmi bang mel etlawm,  Topa’n bawlpha khin zo ta;  Lei ah I kosiatnate,  kham lukhu in khu ta uh,  A lutung tee ziahziah,  suangmanpha tawh kizeem hi.   3.    Sihna hanmual hong liamsan,  a paisa it le ngaihten,  Hih lei genthehna gam,  nusia in ...

157.   LEI TUNG NUNTAKNA                     Heb. 13:8  Key G 1.     Leitung nuntakna khatvei leh nopna, Khatvei leh sehnel gam bang; Cimawh beidongin damlo zawngkhal in,  Khatveivei lamet bei kisa’ng.   Topa vang kiamlo kikhel lo,  A hoihna kiamlo kikhel lo;  Hong itna zingni suak bang hi, Topa hih theihna kiciangtan lo.   2.     Galilee gamah Jesuh hong vak lai, Damlo tampi damsak hi, Misi thosak hi, miphak damsak hi, Natna namkimte damsak hi,   3.     Lunggim mi ading lungnopna om hi, Bangin hong lunggimsak hiam? En in na mai-ah thupha naak om hi, Na up na muan ngam zah nang aa.

156. VAN HAUHNA KEI A HIZO                                            Rome 8:16, 17  Key E 1.     Vantungah inn khat nei ing Ni sangin taang zaw hi veh Khatvei ciang ka tung ding Tua ciang bel ka khualzin hun Bei dinga tawlnga ta ning Aw tua ni ciang vanah thaman sang ding.     Van hauhna kei aa hi zo  A dang bang ka ngen nawn diam  Pasian ta tu’n ka hi zo, ka gumpa Jesu hang  Hi lei-ah ka hih thilthial hang  Miten ka hauh lam theilo  Aw   ka honpa hang mihaupi ka hi ta   2.     Lukhu a kihawm ni ciang Hih leitung phawk nawn kei ning Bangzah a nuam zen diam Ka lutung tee zialzial ding Lei nunna phawk nawn kei ning Aw tua ni ciang ka mai nibang tang ding   3.     Ka lam etna mikim in Hong theihpih leh ut si’ng maw Pasian ta ka suahna Ka honpa hang kisathei ing Vanmite khat ka hi zo Aw t...

155.  SI NAWNLO DING               1The 4:13-18  Key G 1.    Lawp gige ing, zingsang khat peuh teh Gabriel pengkul tum Ken za ning Si nawn lo ding, ka khanlawh ciang It huai tanpa mu ding ka dawn teh Lungdam awngin lei nusia ning Si nawn lo ding, ka khanlawh ciang   Sinawn lo ding, (zingsang khat peuh ciang) Ka khanlawh ciang, (suangmanpha kizeem) Lungdam si ning, (minthanna gamah) Vangtung khuapi-ah, (hih thu sutsut ning) A khang a khang a tatsate tawh Amah bia-in phat khawm ta ning Si nawn lo ding, ka khanlawh ciang.   2.    Mitphiat kal sungin pumthak nei ning Pasian a min thang den ta hen Si nawn lo ding, ka khanlawh ciang Tua khuapi ka zuattoh ciangin ah Dahna teng mangpha khak ning Ken Si nawn lo ding ka khanlawh ciang   3.   A kitansa minam khempeuh tawh Vantaung hoihna ken veelveel ning Si nawn lo ding ka khanlawh ciang Tuidam luanna singkung dum gei-ah Khawlna ding mun Ken ka mu ding Si nawn lo...

154. PIA IN HONG DIM DING HI                             Mt. 6:19-21; 1Kum.17:12; St.20:35  Key E 1.    Na thuphate sim dih in,  khat khit khat ngaihsun dihve,  Pasian in na tampi hong piak na thei ve leh,  Na nek ding leh na piak ding,  zong hong sik lailai ai ve,  Pia in mi nuamsa na hih lam kithei niteh.      {Pia in (hong dim ding hi)} 2  Ngahna sangin piakna-ah thupha om zaw hi  Na sum omna munah na lungsim om ding hi Pia in pia in na lungdam, na lungdam ding hi.   2.    Meigongnu sathau umsung,  sathau sawh khat zong omlo,  A piak manin thupha luang a zah tampi Kialsung tawntung sathau um, Sathau tawh kilawi nawn lo,  Nang zong pia in Topa hoihna na mu ding hi.   3.    Acinghte hau semsem ven,  a cilte zawng semsem se,  Piakkhiatna in itna hi, Pasian dan hi veh, Cimawh genthei mizawngte,...

153. GUPNA BUKIM              Phil 4:19  Key G 1.    Gupna bukim hong pia Jehovah Pasian Dikna tawh hong tuam Jehovah Tsidkenu Hong ompih tawntung Jehovah Shammah Lungnopna Jehovah Shalom   Hong hau sak hi Ka sapna teng hong sik Jehovah Jireh Hong damsak Pasian, Jehovah Rapha Ama min ading Thuman lampi-ah hong kha, Jehovah Ra-ah Gualzawhna   hong pia ka Topa, Jehovah Nissi   2.    Topa’n hiteh hong cih leh hipah hiteh Topa’n nei teh hong cih leh a nei hiteh Topa’n bawl thei hong cih leh hi pah hi Vangliatna khempeuh hong pia zo   3.    Topa’n dam teh hong cih leh a dam hiteh Topa’n hau teh hong cih leh ahau hiteh Sih ding nat ding launa pan hong gum hi Singlamteh tung hong puaksak zo.

152. A BEI THEILO HEHPIHNA                               Kah.3:22-23 Key E 1.     A bei theilo hehpihna leh Itna in kizom den a Zing nisuak bang thak suak zel a Ni a suah pelmawh mah bangin     Itna kip leh hehpihna in, Mihing tate tungah Na bawl lamdang nate hangin Topa nang kong phat uh hi Leivui panin nong lamto a Ninphual panin nong dom to hi Pahtawina leh minthanna tawh Ka   nunna nong heisak hi.   2.        Nang na hoih hi, nang na lian hi Na itna kip tawntung hi Na kilawm hi, na kilawm hi Phat dingin na kilawm hi   3.        Nang na lian hi, na thuman hi Nang tawh kibang omlo hi Nong lahsa thu lamdangte hang Ka daai om mawk thei kei hi.

151. TOPA BANGZAH NA LIAN                Late 150:1-2  Key G 1.    Tunglam ka ettoh leh,  vandumpi ka mu a, Mualdawn meiilum kaite,  vang mong bang ka mu a,  Ahih hang ka muh nailoh,  genzawhloh in tam a,  Hih thu ka ngaihsut ciang,  Topa bangzah na lian,    Tua hi a, Topa aw kong phat hi,  Na hihna bangin hong phat ning.. Na khempeuhte na khut sung,  a patna leh a tawpna,  Vanglian khutin len,  hih thu ka ngaihsut ciang,  Topa bang zah na lian.    2.   Hih leitung bangmah lo,  tungah a kaisak hi,  Sunin ni zanin kha, aksite tangsak hi,  Amaute a hunzui-in,  kihei diamdiam uh a,  Hih thu ka ngaihsut ciang,  Topa bangzah na lian.    3.   Vantung vannuai mun khempeuh  ah nang na om hi,  Tuipi thuksung nangawn  ah zong na kizeel hi,  Na thusung na koihsate,  damdam nong musak a,...