ZOMI LATE

347. VANGLIAN SISAN   1.   Gualzawhna la ken ka sa suahtakna dial khai in,  lungnop khamuanna kicing  ngah tang e,  mi hampha penpen hitang, a tawntung tawntung in,  Jesu sisan hangin mi hausa pi hi tang.   Cho:  Tua hi kei hong suakta sak,  tua hi kei ka lungdamna,  tua sisan in ka hauhna leh ka damna hi,  tua hi ka kisaktheihna,  tua hi hong lam hong diangsak,  tua sisan in mi dik mi siangtho hong tang sak.   2.    Ni dangin Satan khemna,  bawlsiatna thong sung ah,  lamet neilo lungneu-in aw! kei ka om hang in,  Tu-in manpha sisan tawh,  kei hong kitankhin zo,  suaktate tung suahtakna la sa ka lam. 3.    Lauhuai patauhna sung pan,  hong liah in hong dal hi,  Hamsiatna guallelhna pan,  hong hon zo tua si in,  thumna tauna teng bei zo,  tuuno sisan hang in,  Satan lutung,  gualzawhna pawi ken ka bawl.  4.    Mawhna pan dikta...

346. KA LUNGDAMNA Key: 1.    Na vualzawlna ka ngaihsut in Topa Athupi in a lamdang hi na e Ka vuina ding ka dahna ding omlou Silhpuan bang in a hong thak zel ahi.   Cho: Ka lungdamna gen zoh hilo Na hoihna leh na vualzawlna thupi Ka innkuan ah na hoihna hong lang zel A tawntung in a hoih Topa na hi   2.   Nisim a ding ka sapnate hong pia, Tasam lou in na hoihna ka muzel, Ka nget phak louh na vualzawlna katan, Avekpi in na hoihna vang ahi.   3.   Ahunhun in na vualzawlna ka tang, A nini in na vualzawlna ka mu, Na deihsakna a lian ngei e Topa, Na hoih vang in na min ka hong phat hi.

345. HONG PAHTAWI UNG   Key: 1.   Eite lam hong pi hong keem hong huai a, Neu chik pan hong khang lian sak Topa; Mialna pan khuavak hong mu sak Topa, Tuni dong hong pi Topa ahi.   Cho: Hong Pahtawi ung e, hong tawisang ung e, Kote hong huai vanglian Topa aw; Nang vang nungta ung,  Nang vang khang to ung, Pahtawina sang pen Nang hong pia ung.   2.   Muh ngei lohte zong hong mu sak Pathian, Neih ngei lohte hong nei sak Pathian; Pilna siamnate hong guan hong nei sak, Vanglian tung Pathian Nang vang hi e.   3.   Gamdai gam keu a khut toh hong len a, Lam suk lam to a hong nu sia lo; Vualzawlna kim toh hiai tan hong pi pa, Nong kep nong huaina lian in sang e.

344.   ZUA PA ITNA Key: E 1.    Minbang pianna ka zuapa,  Nong itna tehpih om lo, Theibang a ka senlai in,  Sian sinthu anbang nong muam; Vonteng mabang nong pantah,  zaitha neihteng sitlo-in, Nong khualna leh nong deihsakna,  lianlua sang e   2.     Sesum a leitheih hilo,  silhpuan bang khektheih hilo, Pianna zuapa nong itna,  cikmah ciang ngilhngei kei ning; Vabang pil gual tungtuang ding,  Sianmang siang na thumnate, Na lungtup tuibang tung dingin, Sian in siam hen.   Cho: Khan kumsawt guabang hing ding, Tung sianmang in hong siam hen la, Von nih thum tawh, Sianmang lambang  pakkhawm ve ni; Na vontawite adingin,  Sianmang siang na thumnate, Libang cing hen, Sian min lawibang,  thanna hi hen.     3.    Simlei mi zatam lai a,  ka zua mel mah etlawm pen, Vabang pil zatam lai ah,  ka zuapa mah pilpen sang; Na tongdam mah khumpen sang,  Na anglim mah nuampen sang, K...

343. BETHLEN KHUA NEU MITE   1.    Bethlen khua neu mite no lah ihsipta maw Hong gum Jesu hong suak hilo maw Tuu cingte’n zong nuam in hong bia uh Leimi tading hong kipia naungek          Tuzan kimlai a lungdam huai bel thu        Bethlen kuang sung bawng an nekna kuang        Sung, hong gum ding Jesu Kazih naungek        Minthang hen leitung nopna om hen.   2.    Kong it lawm aw tuni’n,  nang sung mun a awng maw,  Hong gum Jesu naungek suak nuam hi, Bawngkuang sung mun dang awnglo maw Na lung sung ah tuni suak sak in.   3.    Alam dang aksipi in mipilte lam hilh hi Kham leh pak namtui tawh bia uh hi Kiniam khiat a hong suak To Jesu Lungdam in en zong vabia ve ni.

  342. TOPA’N SEM THEI HI.                          By: Sia Khualpi   1.    Haksatnate hangin thanem in ka om ciang Cihnang theilo in kunin ka kah laitak Topa hopihna awnem in vangik pua a gim mi aw Hong pai-in tawldamna kong pia ding ci.   2.   Haksatna khempeuhte thupha nong hisak hi Ka kahna awte zong lamna tawh nong hei sak hi; Topa khutin seplah neilo a piangtheilo zong omlo, Nisim in Na min kong pahtawi ding.   Cho: Topa’n sem thei hi, semthei hi Sepzawhlo neilo Sihna zo in a thokik hi; Topa’n semthei hi, semthei hi, lungkham buainate, Gualzawhna tawh hong heisak hi.   {Damlote damna pia hi, Misite thupia in hing kiksak hi; Suangpi pan tui phulsak hi, Tuikha khumsak hi, Topa’n semthei hi} 3

341. PHATTA HEN  By: Kimpau   1.    Husang thei khempeuh Topa min phatta hen Phatna la sata hen Leitung mun khempeuh ah kizel hen Leitung mi khempeuh tuihual suangpi’n zong Phatna la sata hen Leitung mun khempeuh ah kizel hen     Gualzawhna tawh a thokikzo hi Satan tung gualzo khinzo hi Sihna hell pan ka suakta zo hi Tawntung nuntakna ka ngah zo Jesu hang in   {Suahtakna tawh ka lam hi Lungdamna tawh ka awng hi} 2 Topa mai ah!

  340. A HOIH PASIAN   1.    Thuman Pasian kikhel ngeilo Na itna lian genzawh hilo Sangpen a kilamto Nang bang Pasian omlo Na vangliatna telzawh hilo Na kumpi gam kiling ngeilo Sihna’n hong lenzolo leitung Na zozo hi.       A tawntung Nang Na hoih hi Topa       Min khempeuh lakpan lian pen Jesu.   Cho:     Van le lei khempeuh in Na min hong phat hi Minam khempeuh Nang hong bia uh hi Na minthang hi Nang Na lian hi Topa Vanglian Na khutte in na lianpi semzo Mailam hunte Na khutsung om hi A hoih Pasian Nang ading nungta ing.   2.    {Leitung khempeuh Nang Na uk hi Ka hihna teng Nang kong pia hi Ka lungsim khempeuh Nang bek kong it ding hi} 4               

339. JESU KA GUMPA LEH KA TOPA   1.    It taklopi nong it a, Ngaih taklopi nong ngai maw Ko innkuan in bang hilel ka hi uh hiam Kiphatsakna ding omlo, kiletsakna ding omlo Jesu ka gumpa leh ka Topa hi.   Cho: Mongneilo nong itna leh Bei ngeilo nong hehpihna, Kote ading’n nisim in kicing hi; A tawngtung hong phatden ning, A tawntung hong biaden ning, Ka husan laiteng Na min kong pahtawi ding.   2.    Natna satna ka thuak a, Gimin tawlin ka om ciang, Nong et dingin kei-in bang hilel ka hiam; Lungkhamna meipi bang zing, Dahnate’n hong vuknelh ciang, Jesu ka gumpa leh ka Topa hi.   3.    Leitung mawhneite tang ding, Van tokhawm nong nusia maw, Mihingte in bang hilel ka hi uh hiam; Itna mantak tawh hong it, Ngaihna mantak tawh hong ngai, Jesu ka gumpa leh ka Topa hi.

338. NA HOIH HI TOPA   1.    Zingsang nithak khuavak pha Sunlezan hun hoih hun manpha Nisim nong musak nong zangsak hi; Silhlehten ding nong guan hi Ka sabuai tung an nong lui hi Ka sapna khempeuh nong cingsak hi.} 2   Topa hizah kei nong phawk ding Kei in kua hilel tak kai hiam Kumpi lian penpa kei nong itna; Mit muh thupha hang bek hi kei Na hoihna kiciangtan thei kei Kam genzawhloh tampi omlai hi.   Cho: Na hoih hi Topa keitung na hoih hi Na hehpihna kei ading kicing hi Lungdamna khituite’n cinzo kei Ka kammalte’n zong cinzo kei; Ka kha tawh lungdam lasa kongphat hi, Khutte lamto-in nang kong bia ding hi, Ka hun khempeuh na khut sung om cih thei ing, Atawntung in kei tung na hoih hi.   2.    Hauhna tawh leitheih hilo dikding huih siangtho nong pia hi, guahtui nitangte zong nongpia hi; haksatna ka thuakhun ciang, Na itna a kiam hituan lo, Na hoihna a thukzaw nong musak.

337. TOPA HOIH HI LUNGKHAM HUN IN   Key E 1.    Topa hoih hi lungkham hun in hong huh a Amah abel mite limtak in kem hi; Sunin ni-in zanin khapi’n, Hong cingin hong gimsaklo a, Vantungmite’n giahphual satin hong kem.   Cho: Aw Topa aw nang Na hoih hi, Kei nong itna tumdang diak sa’ng, Nong ompih ciang a nopin nuam zungzung; Lamet beidongin ka om a, Ka nu ka pa kei hong kem Pa, Ka bangkim ah ka lawm hoih pen na hi.   2.    Na bawlsa kha le aksite ka et ciang, Na phawktham ding mi in bang hilel a hiam; Tangtel bang lel kei nong itna, Tapa neihsun kei nong pia maw, Kei nong itna lamdangin lianlua sa’ng.   3.    Ka khualzinna hih leitung ah nong tonpih, Hong khah ngeilo itna khuttawh nong len a; Ka lampi sau sukleto ah, Lungkhamna huihpi’n hong nawk ciang, Nong ompihna itna awnem ka za.

336.  NITANG SUNG OM DIH IN   1.        Nitang sung om dih in Tawntung nitang sung om in Nitang sung ah nungta dih in Tawntung nuamna sa ding in Na lam hong tang sak ding hi Sanggam aw nitang sungah om dih in.

335. HOLIM NUAM EE   Key: E 1.    Kong piak vantung nopna, Na ngahsa suahtakna, Theilo-in tuciang na puukzel maw; Pa kiang kong thumsak hi, An ngawlin thu ka ngenzel, Itna bek in leitung zawhna.       Holim nuam e, holim nuam e     Van a khasiangtho nong kumsuk ciang;     Holim nuam e, holim nuam e     Khasiangtho aw ka sung hong teng den aw.   2.   Hauhna kong piaksa hi, zong un na mu ding hi, Lungnopna pilna kong piaksa hi; Dawi in hong khemzel maw, Lau in na lungkia maw, na sansa upna tawh zo in.   3.   Lungkia nawn kei ning, lungkia nawn kei ning, Suakta zo ka lungdamna khang semsem; Umlah nawn kei ning, nungkik nawnlo ding, Upna leh itna in zawhna.

334. KALSUAN SIM IN   Key C 1.    Kalsuan sim in Honpa ka mai ah pai hi A itna khut tawh hong makaih a Husan sim in Topa nang mah kong bia hi Nang mah tawh tonkhawm leng nuam ka sa.   Cho: Kalsuan sim in, a hong pi ding ka thei a, A sangzaw ah hong paipih tawntung hi Khatvei ni ciang lamtawpna ka tung ding a Kalsuan sim in inn ka nai semsem hi.   2.    Ka upna tha khat veivei a hong kiam ciang Ka etna khempeuh lungkiatna hi Ki hei kik in kei hong gumpa ka et ciang Hong ompih manin ka thahat hi.   3.    Bangbang hong piang ta leh Pasian ka muang hi Nuntakna a mah sungah om hi Amah lampi a hong honsak thei Pa hi Khapsa gam nuam ah hong tun ding hi.

  333. VANGAM MALEP   Key E 1.    Leitung i nuntakna, siatna tawh kidim Neklehdawn haksa, sum zonna zong haksa Siatna atam man in, innkuan kilem nawnlo Tua innkuan sung zong, gawtmun neu khat a hi.   Cho:   Vangam malep aw vagam malep   Vangam malep lei ah zong kiciam khawl thei   Jesu nei kim in, Pasian zahtak ciat leng   Vangam malep innkuan sung nuam pen   2.        Innkuan sung luting in, Pate hi a Pate siam man in, innkuan sung nuam ding hi Zite’n pasal thu mang leng, Tate’n tateng zong thu mang ding Tua innkuan sung zong Topa’n makaih ding hi.   3.    Innkuan sung nuam panin, hong khangkhia mite A heina peuh ah, maitai takin om thei Pasian in thupha pia, Pasian in ompih hi, Tua innkuan sung zong, vangam neu khat ahi.

332. TU’N NANG A HI TANG   Key G 1.    Man neilo hibang lel kei nuntak sung Iplahna them zong neilo banah Topa maipha muhnang semzolo pi’n Hizahta nong itma’n nuam lua ing. Tun nang a hita’ng ka gumpa aw Tubansiah Nang thu hitang ka To Jesu… Bangbang piangta zong hong phatden ning Nanglo in bang mah tangtun zo ke’ng   2.    Ze-etna namkim in kei hong tuam hang Lungmuang ta’ng To Jesu in hong do sak Simmawh thu’n tamvei hong kinelhsiah zong Gualzo ka To Jesu min phat ta’ng

331. HONG LUNGDAM SAK HI Key:G 1.    Lungdam kohna tawh a kongpi ah lut unla Ama huangsung ah tumta un Tun in Topa hong piaksa nipha hi a Hong lungdam sak manin ka kipak hi.     Hong lungdam sak hi..    hong lungdam sak hi,   Hong lungdam sak manin ka kipak hi.) 2   2.    Topa hoih hi, a itna kipin kho tawntung hi, Tua ahihma’n a minphat un, Ama thumanna a khang a khangin kip hi Hong lungdam sak manin ka kipak hi.

330. A NI ANI IN NUAM SEMSEM. Mtt 6:33   Key G 1.    A tawntung ka kumpipa a tawntung ka lawmpa A tawntung gualzawhna hong pia Nisim lam hong lak in, nisim tha hong dim hi Nisim gualzawhna hong pia      Buaina theng mang veh) 2    Ka lawmpa ka Kumpipa ka phattakteh    Pasian gam leh ama dikna zong masa leng    A ni ani in nuam semsem   2.   Vantung gam kham khuapi nuam A tawntung tang zihziah It leh ngaihte tuallenna mun Eite hong dawn dingin, nisum kiging den uh Nuam zensi’n teh tua munnuam.

329. KHAM KHUAPI   1.   Sihna mualkuam gal ah, Khuapi khat a om hi, A hoihna kua man’n gen zolo hi, Zan kimlai in Tuuno khuavak bangin tang a, Tua a etlawm kham khuapi sung ah.       Tua lai a, ni tumlo, singteh zong vul ngeilo,     Midikte a tawntung aksi bangin tang a,     Tua a etlawm kham khuapi sung ah.   2.    Tu alai ah dahna natna kahna om nawnlo Misiang khempeuh zong tek thei nawnlo Tua khua ah ut sensing zan khuamial lah beita Tua a etlawm kham khuapi sung ah.

328. JERUSALEM THAK AH                             Org Trant: Pr. Siam   Composer: Roliana Ralte   1.    Mittaw khuamialpi sung a om in Leitung nopsaknate mulo mah leng; Hong honpa kiangah ka tun hun ciangin, Mittaw om nawnlo ding Jerusalem thak ah.   Cho: Kipak in lasa ning, Hallelujah ci-in Aw ken ngaklah lua ing, tuamun nuam bel To Jesu phat in, phahtawi la sa ning 1.Mitaw om nawnlo ding, Jerusalem thak ah.   2.Mipoi om nawnlo ding, Jerusalem thak ah. 3.Bukimlo hi leitung, ke’n ngai ngei nawn kei ning.   2.    Khelbai pau theilote om in Bengngawng khutbuite, om mah leh zong To Jesu kiangah, ih tun hun ciangin Mipoi om nawnlo ding, Jerusalem thak ah.   3.    Bukim loin ih,.. om zong in, Ka mel ni sangin, tang zaw ding a; Pham masate tawh, dawn bang tuak khawm in, Bukimlo hi leitung, ...

  327. PASIAN KUMPI GAM- 4   1.    Pasian kumpi gam zaw Nekledawn hilo Silhleten neihlelam hilo, Hauhna thu hilo, zawnna thu hilo Khasiangtho a diktatna hi zaw   Cho: Aw! Na kumpi gam ka lakuah hong tung hen Micih ah Na Kumpi gam tung hen Innkuan khempeuh ah gamsung khempeuh ah Aw! Na gam ka lak uah hong tung hen   2.    Pasian in a hong sam, aw ei gingtute Lemna leh lainatna nei ding in, Tua pen I Pasian lungtaina ahi Leimi di’n a lungdam huai hiveh   3.    A simthu I thei in, a zaila thei hang A khekhap zui ding I tawm ngei e Siangthona nei in, diktatna nei in Amah bang ih khangto ding uh hi.

  326. HONG SANG IN – 4   1.    Topa ka hong kipia Nang adingin Na khutsung ah ka om hon zang in aw Ka siamna omlo zong ka pilna omlo zong Ka nunna tualniam zong hong sangin aw} 2   Cho: Hong sangin ka nunna Topa aw Na min thupitna din hon zang in Ka hihna bangbangin nangin hon pom inla Na deihna mun peuhah hon zang in aw   2.    Kimanna ding omlo ka hizong in Hoih ding na cihna peuh ah hong koih in Bellei a sekpa in a deih bang abawl bang Kei zong hong bawl in aw na deih bangin.   3.    Mihing in a et bang hon enlo aw Mihing in atel bang hon tello aw Nang in a hatlote nangawn na telzaw a Ahatlo keimah zong hong sang in aw

  325. JESU HOIH ZAW – 2   1.    Van aksi leh thilsiamte khempeuh Tuipite leh tangte kilawm A hoihnate suiseng hilo Tuate sangin To Jesu hoih zaw          Aw kilawmna e ka To Jesu        Aw a manphat dan suiseng hilo        Aw a thilsiam khempeuhte sang        Jesu hoih zaw hi aw tuate sang in   2.    Hauhna hoih in siamna zong hoih hi Nuntakna ding I gelte zong Inn leh lo leh neihlelam zong Tuate sangin To Jesu hoih zaw   3.    Kisak theihna Jesu ah ka nei Manphatnate neita kei leng Ka bangkim hi ka To Jesu Khawvel sangin To Jesu hoih zaw.

  324. LAUKHA SIANGTHO - 2   1.    Aw hon ngai ung khuva bang nem Van laukha siangtho hon ngai ung Nang tello-in kalsuan dan ka theisiam kei uh Hon phelin la hon velcian in Ka sung ua mawhna om khempeuh Hong halsiang in hon bawlpha in laukha siang aw   Cho: Aw hon ngai ung laukha siangtho Kote sung ah hon sem inla Vualzawhna g/vuah kote adi’n hon zusak aw Aw khatvei bek hon veh lai in Bah leh nguite hon phawnghalh di’n Halhna meikuang laukha siangtho hon ngai ung e   2.    Huan tuu bangin hong cing inla Lamhaih lammangte pikik in Khelhna zanmial nuai a omte hon tanvak in Lungsik simthu lel nuamlo a Lungtang khauh a zatam omte A nemsak thei laukha siangtho Nang kia na hi.   3.    Topa na laukha vangin aw Kipahna lui hong luanglet in, Hon dimsak in hon tuisak in laukha siang aw Si napi a lungmuang laite Hing minpua a lungmuang laite Na hotdamna Na lungmuanna ka ngai uh e.

  323. AW A LAMDANG E - 2   1.    Hatlo mi ka hizong hat theihna thugukte Topa in kei adingin a nei Khawvel in a telloh khawvel in a deihloh Topa in Amah dingin atel       Aw a lamdang e, aw a thupi e     Na itna aw na hehpihna     Mi mawlte nangawn zong     aw na tel lawmlawm     Lamdangin aw a thupi e.   2.   Leliangte na it a gentheite na huai a Leitung mi’n a phawk zawhlohte zong Topa aw na thei a, itna in na pi zel Gentheihna pan in nunnopna ah.   3.   Lamet bei a lungngai mipoite na thei a Piangsualte bukimlote nangawn Khawvel hoihna mulo mitdelte Na thei a Nang ading Na telta lamdang e   4.   A cinglo a omlo a siamlo a omlo Mi khempeuh I Topa mai ah zaw, Leitung mi ading a simmawh huai a neute Silhpak bang a lun Topa adi’n       Aw a lamdang e aw a hon telna     Kipak in nuamna lasa ni     Khawvel in a phawkloh mi I hizongin ...

  322. NANG TAWH LO-IN - 2   1.    Nang tawh loin hiai nuai simlei Thawmhauna lungngaihna hi Keikia in maciang suan in ka pai zolo Tua bang hizong Topa ngaih aw Na khutin kei hon lenden a Nong ompih ciang’n nuamna bukim a om zel   Cho: Nang tawh loin Topa aw Nuamna kicing a omthei lo Nang tawh loin lungmuanna a omlo e Hon tonpih in hon len in Simlei ka zin sung in ah Nang tawh loin nuamna bukim a omlo   2.    Nang tawh loin ka maciang ah Lummei bang a zing den a Nang tawh loin lametnate abeizel a Nang tawh loin lei pallun zong Bang mahlo bang lel ahi a Lungngaihna leh mangbatna lel ahi zaw   3.    Nang tawh loin simlei lungkham Thuakzawh ding ahilo hi Nang tawh loin simlei nunna a mial na e Liamsa ngai ung lungzuan sial ung Duangvul in ka om zel uh a Nang tawh loin ngiahtam sialna lel ahi.

321. HINNA HONG PIA – 2   1.    Hinna hong pia ka Topa hong it ing Mangthang lungngai ka vaihlai in Lunglai gil a khamuanna nong pia a Muanna tuibang na hong Luanna   Cho:  Hinna hong pia ka Topa aw  Nanglo muanna ding ka nei ngei diam  Lungngai huihbang ka mauna simlei ah  Nang tawh omleng ka lungnuam hi.   2.    Suan ding omlo ka hoihna zong omlo Nang tawh omdi’n ka cing zolo Hizong Top ana itna aw nem tawh Kong it ci-in Na hong samlai.   3.   Keimah lampi ka zuih khempeuhte leh Ka lunggel leh ka ngaihtuahna Topa nang di’n a cingzo ding omlo Hizong kong it ka ta nong ci

  320. HON DOM SANG – 2   1.    Tuan-a sinthu sut leng maw tual I niam simthu Theihphakloh selung mawlte i hi, Tung Pathian itna vang in ei di’n khua a hong vak Tu’n a tate hi hang e   Cho: Phatna zaila lawmging a kilawm semgua tawh Vanglian Topa minphat in Tuan-a selung mawlte tu’n a hon domsang ta Topa eidi’n hoih na e   2.    Itna thu sang kei leng maw bang i suak ding hiam? Topa itna lian in sang na e Zuleva bang gammual a vakvai a i omlai Itna in hon zong kheta   3.    Itna vang siamnate leh sannate nei hang Tua khempeuh i Topa vang ahi Lamdang in thupi na e, lobang a hon khualna Topa eidi’n hoih na e  

319. CHRIST HOIHNA - 1   1.    Ken hoihna khat zong ka neilo Jesu Christ hoihna koppih in Amah vang a dika sim in ka omlel hi, Aw tu in zong hoihna ka neilo Ka hihna zaw mikhial lel ka hi Christ vang a siangtho Christ vang a hoih ka hilel hi.    Christ hoihna kei a ahita A siangthona kei a ahita A hihna ahon neisak a ahon pomta Tu’n ah lau ding ka nei nawnlo A huang ah muang in ka om Christ hoihna leh sianthona kei a ahita.   2.    Kei mahmah ka ki-et ciangin Siangthona hoihna ka neilo Hizong Aman siangtho in ahon pomta hi, Amah nate ka semtheita a Apai na ah ka paitheita hi Christ vang a nungta’n Amah bangin a hon bawlta.  

  318.  HON LEN IN - 1   1.    Topa aw kei hon len in Simlei ah ka zinlai in keikia in ka pai siamlo Ka zinna ah haksa in lam haihin gammang zel ing na lamvak hon musak in hong zui ning maw   Cho: Na lamvak ah ka paitheihna din Ka lampi ah Na vak hong tanin Mittaw bang khuamulo a Zanmial bang ka pai lai in Hon len in ka pukloh nang hon len in aw.   2.    Buaina tui kihawt kal a Lauhnate’n kei hong tuam a Lungmuanna hon neisak aw Muanhuaipa a kip tawntung Nang na hi nang kia na hi Topa aw Na banin hon lenden in aw.   3.    Galkhat lam ka hon kai ma’n Tua mual siangtho kong tun ma’n Lampiallo di’n hon len in Nisim in ka nuntakna Hong siamthak hong hatsak in Na ang sung ka tun mateng hon pi in aw.

317.  NA OMNA HUAM  - 1   1.    Topa a omte dingin bangkim a hauhna hi Itna ah zong itna lian semsem Zawnna ah zong hauhna thupi pen Topa a neite ad’n   Cho: Nang na omna nuam, nang na omna a nuam hi Topa aw ka siangvuah hong om in Nang tawh tonin pai leng bang kimah muanna Topa Na omna nuam hi.   2.   Lemna leh muanna gam zaw Topa a neite hi, Huatna leh kidanna om ngeilo Ei ad’n I gam adi’n damna Topa a hong om ciangin   3.   Sumlepai hauhna pilna siamna leh sannate Manna ding omlo Na omloh leh Hinna khempeuh sang Na manpha zaw Topa na om leh nuam hi.

316. ITNA THUKPEN  -3   1.    Ih mawhnate’n eite hon do gige a Aman eilam hon en nuamlo hi Topa adi’n kihhuai pen I hizong a Aman eite a hon it lailai hi.   Aw itna thuk pen aw itna sang pen Calvary a itna hong luangkia I mawhna khempeuhte dikna tawh hon khekin A siangtho in eite a hon bawl zo   2.    Amah adi’n mawhna lianlua omlo hi I mawhnate bangzah in lian zong Ngaihdam zawhlo a neilo a sisan in A sang khempeuh adi’n damna ahi.   3.        Christ a nei mi’n siamlohtanna nei nawnlo Aman mawhna khempeuh ngilh zota A singtho in hon sim a, siangtho hi hang Aman mawhna khempeuh a paimang zo

  315.  INNKUAN A DAM NANG  -3   1.    Innkuan kituaklo innkuan kilemlo Innsung gawtmun a tang sak Innkuan zatamte siat vang a vul in Lungngaihna in a dimta   Cho: Innkuan a dam nang innsung a dam nang Van laukha kia i ngai uh Innkuan ah Pasian in vai ahawm leh Tua kia i damna ding hi.   2.    Nute kingaihtuah’n innkuan adding in Vontawite dia kipia di’n Pate kingaihtuah’n Pasian thu bang a Innkuan pitu hi ding in.   3.    Topa na lalgam innkuan ah tung in Nang thu neihna hita hen Satan thuneihna vang a kisiate Nang in hon bawlpha kik in.

  314. NA CROSS KIA    -3   1.    Simlei mite’n a theihloh  Na Cross mitsuan ka len ding Thuakna leh gensiatna kal ah hizong leh; Na Cross tawpsan thei hi keng,  Na Cross taisan thei hi keng Ka zui ding ka zuizel ding ka pham zong in   Cho:  Na Cross kia ka len ding a,   Na Cross kia ka zuiding hi,   Kei adi’n Cross tungah simlei kizota  Simlei-a ka hi nawnlo,   kei aw Cross di’n ka nungta,   Ka lampi ka zuihpen zaw tua Cross ahi.   2.     Ka mawhna teng Na pua a,  ka khialhna teng Na pua a, Kei adingin Cross tung-ah na hong thuakta, A hatlo pen ka hizong, a cinglo pen ka hizong, Ka hatna ka citna thusim na Cross hi.   3.     Tu in aw ken theician ta’ng,  Simlei adding hinawn keng, Topa adingin ka bangkim ka piata; Ka hatna zong kilhbelh ing,  Ka utna zong kilhbelh ing, Ka Topa Cross tung ah bangkim ka ngata

313. VANGLIAN PEN  -3   1.    Lei leh Van bawlpa vanglian tung Pathian Na kilawm hi pahtawina tang di’n Na pilna sang e Na lunggel sang e Na siamsate’n sut zolo   Cho:    Minthannate le vangliatna khempeuh    Tangtawn tangtawn Nang a hi    Nang vang vanglian pen Nang bang thupi pen    Lei leh Thangvan ah omlo   2.   Kote hon it pa Kote honhuai Pa Nong itna lian hi kan in sang e Bangmah lote zong Nong kem nong huai a Nong lamto eklei pan in.   3.    Ka dahna uh thei ka lungkham uh thei Ka mangbatna uh thei pa na hi, Cina damsak cia misi hingsak cia Thu neihna teng Nang a hi.