ZOMI LATE

355.   AW PASIAN by: Sia. Dokhup    1.    Aw Pasian nang lo lawm dang nei keng, Ka laukha zanwgkhal tha hong dim dingin Ka dahna khempeuh hong thuakpih ding Nanglo lawmpha zaw dang muzo keng ee   Cho: Aw hong zui ning maw lampi haksa mah leh Dawimangpa in ka lam hong khak mah leh Aw hong zuining maw singlamteh pua in, Na paina munpeuh ah hong zuining maw.     2.    Aw ka khe in siatna lam zui-in, Ka khutte mawhna bawlna khut ahi, Ka lungsim ngaihsutna khempeuh zong Huaihamna leh gitlohna bek ahi.   3.    Aw ka laukha lungleng mahsi maw Ka taksa’n ze-etna thuakzolo aa, Pasian mai ah kilawmna nei lo Hong zuan ing, aw Topa hong maisak aw. 

HONG VENG SAK AW    BY: CK KHAM V.1 Kong kikona aw hong ngai aw, Kong thumna awte hong dawng aw, Tung Sianmang aw mubangin  hong ngailua ung ee; Ko na mite hambang vai ung, Sihna natnate’n hong nawk ee, Lungkhamna leh mangbatnate,  hong vengsak aw.   Cho: Zato mangte zato mangpa  Nangmah na hi, Damlo mite hong damsak ding,  kong ngak uh hi; Dahin kapin lungzuang mite,  hehnepna kicing hong pia-in, Dahna meipi tuihual khempeuh  hong veng sak aw.   V.2 Mihing pilna leh siamnate,  neihsa lamsate’n cinzo kei, Khasiangtho aw,  mubangin hong ngailua ung ee; Nangman zingvai hong hawmin la,  ko na mite tha hong guanin, Launa huihpi tuihual khempeuh  hong vengsak aw. 

 353.  LEITUNG ZAWHNA Phuak: Solomon V Hmar 1.       Bangmah lo pan in kipan khia aa, beidonna hangin khitui luangzel mah leh,   Hiciang dong hong tonpih hong makaih Topa, muantak leh belhtak nang na hi.   CHO: Ka mailam ding bangmah lau nawnkeng, leitung a zo Jesu nei ing, a kul leh kei adingin Topa'n, nilekhate zong a khawlsak ding.   2.       Muhdah leh simmawh in ka om aa, kamsiatna phungpi bangin hong kimu zong, Topa nang ka kiang ah nong ompihden aa, Na vangliatna tawh nong tuam hi.   3.     Ka leitung pumpi na theilo hi-in, haksat gentheihnate thuak ngeilo hileng Topa nong itnate ka phawkthei kei ding, ka telsiamta thuakna sung pan.   4.    Thupha hong piak hang, bek a nui hileng, vulin kunin ka nunna'n mualliamta ding, Aizong ka kha in nang hong neikhin Topa, Haleluijah ka lungdam hi. 

 352.  SIAN VONTAWI Dorcas Team   1.       Sian vontawi lia leh taang, Banzal ziatsuan kilen in, Tuailai zaitha i neihlai, Sianmang ading’ nasem ni, Khuasung huging adaih ma, Ansuk gingte kizaklai’n Thasial ke’n hun hoihlai, Sianmang ading nasem ni.   Sakkik: Khangno thahat ihih lai, Topa ading semkei leng Lungkham meibang hong kai ni ciang Nuntakna nuamsa kei ing, Tuailai nite ngai zensing na cihma, Hun hoihlai thasial ke’n Sianmang ading nasem ni.   2.       Leitung hinna pakpalh bang, Tomno khitciang hong vul ding, Pheiphung suan kha i-om ma, Sianmang ading nasem ni; Hun leh ni mual aliam ma, Sepna nite ataan lai, Thasial ke’n hun hoihlai,   Sianmang ading nasem ni.

351.  KUA NA BEL DIAM   1.    Na lungkham hun ciang A kua na bel diam Belh ding na nei kei leh? Hih lei na nun sung hong huh zo ding om kei; Lungsim vangik bang Lel a na puk ciang, Jesu suang pi tung a, A kilam innpi sung lam vazuan zel in.   CHO: Na nu zong muang ke’n Na pa zong muang ke’n aw; Na U zong muang ke’n Na nau zong muang ke’n Tuate hong bei ding a; Bei cih om ngeilo, Jesu suangpi beel in.   2.       Hih lei na nunsung Na muan pen mi zong, Lei pan kibawl hi a, Sehnel tung inn kiLam bang hong puk ding a; Tua ni hong tun ciang, A kua na bel diam, Mihai inn lam pa bang; Na kisik kik hang tuihual in hong pha ding. 

 350.  KISITTEL NI   1.        Van gam nuam kei a hi, I ci ngam diam? I nuntakna khat vei, kisittel dih ni, Kiniamkhiatin a mawhna tawh, Jesu a zuante, Gupna thu a sangte’n van gam luah ding uh hi.   2.        Hilh ta leng sang siamlo, Za napi’n lah um theilo,   Dawimang pa’n na kha mit hong humsak hi veh, Ka thu sung nuam na sak kei leh, Satan hencip mi na hi, Na ut kei zong meilipi sung na tun kul ve.   CHO: Gupna thu gupna thupha, Sang pak mai vaw, Hell meili pan Van gam ah, hong tunpih ding; A kimuhtheih lai in zongin, Anai omlai in zuan in; Na nunna hong bei kha leh, Bang lawh nawn ding na hiam?   3.        Noah khan bangin mite kisia zota, Topa ni hong naita lungngai dih vaw, Tuicin tawh hong sawp nawnlo ding,   Tua sangin a lauhuai zaw, Mit ngeilo ding meilipi hong bawlkholh sak zo.   Cho: 2 Gupna thu gupna thupha Bei hun hong tung ding,...

 349.  KUA NA BEL DIAM  By David Kham   1.     Topa bawlsa hih leitung Etlawm etlawm etlawm ei, Pak hoih namcin leh mual leh guam, Topa’n a hoihna tawh zem a, Tuni ciang dong Topa hoihna bei nailo.   2.     Topa bawlsa hih leitung, Etlawm etlawm etlawm ei, Nileh kha leh aksite Top’n a hoihna tawh sem a, Tuni ciang dong Topa hoihna bei nailo.   Cho: Ni khat ni ciang Topa hoihna’n hong taisan ding Ni leh khate vutlevai suak ding, Hih leitung pi zankham ding a, Tua ni ciangin kua na bel diam?   3.     Sodom leh Gomarah bangin maw, Leitung buppi kisia zo, Bawngte’n a topa thei na pi, Mite’n a Topa thudon lo, Topa hoihna kuaman donlo gammang khin.

  348.   PHAT VEVE NING   1.    Mite’n hong taisan khin a, Lawmte in hong mangngilh zong, Topa hoihna phatphat ning, Hong itna thu gengen ning Leitung haksat buainate’n Ka kimkot ah hong tuam zong Topa hoihna zaila in awi veve ning.   2.     Thei gahte a hut khin a, Leng guite a gah kei zong, Olive kungte gahlo-in Lo ah an a piang kei zong, Tuu khempeuh a si khin a, Gan buk teng ahawm khin zong, Lungdam ko in ka kipak veve ding.   CHO: Topa Pasian keimah hong honkhia Pa hi. Topa Pasian keimah thahatna hi, Munsanna ah lungmuang tak in hong paisak hi, A tawntung in Topa min phatden ning.   Hallelujah ka hih theih tawhna tawh phat ning, Pahtawi ding phat ding a kilawmpen Topa hi., Muanhuai ang sung lungmuang takin kei hong kem hi, Nisim naisim a min siangtho phat ning.