ZOMI LATE

Key:6  Sep ding a kilawm lopi ka sem kha a,  Gen ding a kilawm lopi ka gen kha hi,  Tua hun ciang hih ka sem ding Thupha ka ngah na'ng - in ah,  Mun khat ah gel-in thu ngen khia ning. CHO:  Ken'n pawh thu ngen ning, Ken'n pawh thu ngen ning, Lam hong pii ding lawmpa, Khat ke'n nei le ling,  Ke'n pawh thu ngen ning, Ke'n pawh thungen ning, Mun khat ah gel-in thu ngen khia ning. Nisim a hongpiak thupha teng phatpeuh leng,  Ka thumna khempeuh hong dawng ding cih ka thei hi,  Mun khat ah gel khian in ah.  Ama kiang thungen peuh leng,  Ka vangik khempeuh hong dawn khia hi.

  356. LEIVUI PAN HONG LAMTO 1. Nilekha hun hoih tampi, Satan in hong zolzol a leitung lungnopna zong in siatna namcin in hong tuam zatamte mel hong ma ta, pampaih mi, ka hih lai in Sian in hambang in hong huai, minthang khawm ve ni hong ci.. Cho: Leivui pan hong lam to aa a kham khut tawh hong zut hi, Mi liante tawh kikhawlsak a Ama mite mi lian in bawl, Topa aw, na hun a cin dong hong ngakzosak in aw na minthanna ding in, na deih bang hong zang aw. 2. Khuakhal huihkhi in sem bang nei leh lam teng hong beita,  simzawng vak vai ka hih lai, zaitha pat bang a nem lai,  Thoto in ka ta hong ci a thahat ka ta hong ci, nangmah kong ompih ding hi, keima na sem in hong ci. 3. Pilna siamna nei lo aa, ko siatna ka thuak lai tak hopihna aw khat ka za, pilna kong pia ding hong ci, Thagum hatna hang hilo, Galkap tamna hang hilo, keima kha zaitha bek tawh, na ma na tun ding hong ci.

355.   AW PASIAN by: Sia. Dokhup    1.    Aw Pasian nang lo lawm dang nei keng, Ka laukha zanwgkhal tha hong dim dingin Ka dahna khempeuh hong thuakpih ding Nanglo lawmpha zaw dang muzo keng ee   Cho: Aw hong zui ning maw lampi haksa mah leh Dawimangpa in ka lam hong khak mah leh Aw hong zuining maw singlamteh pua in, Na paina munpeuh ah hong zuining maw.     2.    Aw ka khe in siatna lam zui-in, Ka khutte mawhna bawlna khut ahi, Ka lungsim ngaihsutna khempeuh zong Huaihamna leh gitlohna bek ahi.   3.    Aw ka laukha lungleng mahsi maw Ka taksa’n ze-etna thuakzolo aa, Pasian mai ah kilawmna nei lo Hong zuan ing, aw Topa hong maisak aw. 

HONG VENG SAK AW    BY: CK KHAM V.1 Kong kikona aw hong ngai aw, Kong thumna awte hong dawng aw, Tung Sianmang aw mubangin  hong ngailua ung ee; Ko na mite hambang vai ung, Sihna natnate’n hong nawk ee, Lungkhamna leh mangbatnate,  hong vengsak aw.   Cho: Zato mangte zato mangpa  Nangmah na hi, Damlo mite hong damsak ding,  kong ngak uh hi; Dahin kapin lungzuang mite,  hehnepna kicing hong pia-in, Dahna meipi tuihual khempeuh  hong veng sak aw.   V.2 Mihing pilna leh siamnate,  neihsa lamsate’n cinzo kei, Khasiangtho aw,  mubangin hong ngailua ung ee; Nangman zingvai hong hawmin la,  ko na mite tha hong guanin, Launa huihpi tuihual khempeuh  hong vengsak aw. 

 353.  LEITUNG ZAWHNA Phuak: Solomon V Hmar 1.       Bangmah lo pan in kipan khia aa, beidonna hangin khitui luangzel mah leh,   Hiciang dong hong tonpih hong makaih Topa, muantak leh belhtak nang na hi.   CHO: Ka mailam ding bangmah lau nawnkeng, leitung a zo Jesu nei ing, a kul leh kei adingin Topa'n, nilekhate zong a khawlsak ding.   2.       Muhdah leh simmawh in ka om aa, kamsiatna phungpi bangin hong kimu zong, Topa nang ka kiang ah nong ompihden aa, Na vangliatna tawh nong tuam hi.   3.     Ka leitung pumpi na theilo hi-in, haksat gentheihnate thuak ngeilo hileng Topa nong itnate ka phawkthei kei ding, ka telsiamta thuakna sung pan.   4.    Thupha hong piak hang, bek a nui hileng, vulin kunin ka nunna'n mualliamta ding, Aizong ka kha in nang hong neikhin Topa, Haleluijah ka lungdam hi. 

 352.  SIAN VONTAWI Dorcas Team   1.       Sian vontawi lia leh taang, Banzal ziatsuan kilen in, Tuailai zaitha i neihlai, Sianmang ading’ nasem ni, Khuasung huging adaih ma, Ansuk gingte kizaklai’n Thasial ke’n hun hoihlai, Sianmang ading nasem ni.   Sakkik: Khangno thahat ihih lai, Topa ading semkei leng Lungkham meibang hong kai ni ciang Nuntakna nuamsa kei ing, Tuailai nite ngai zensing na cihma, Hun hoihlai thasial ke’n Sianmang ading nasem ni.   2.       Leitung hinna pakpalh bang, Tomno khitciang hong vul ding, Pheiphung suan kha i-om ma, Sianmang ading nasem ni; Hun leh ni mual aliam ma, Sepna nite ataan lai, Thasial ke’n hun hoihlai,   Sianmang ading nasem ni.

351.  KUA NA BEL DIAM   1.    Na lungkham hun ciang A kua na bel diam Belh ding na nei kei leh? Hih lei na nun sung hong huh zo ding om kei; Lungsim vangik bang Lel a na puk ciang, Jesu suang pi tung a, A kilam innpi sung lam vazuan zel in.   CHO: Na nu zong muang ke’n Na pa zong muang ke’n aw; Na U zong muang ke’n Na nau zong muang ke’n Tuate hong bei ding a; Bei cih om ngeilo, Jesu suangpi beel in.   2.       Hih lei na nunsung Na muan pen mi zong, Lei pan kibawl hi a, Sehnel tung inn kiLam bang hong puk ding a; Tua ni hong tun ciang, A kua na bel diam, Mihai inn lam pa bang; Na kisik kik hang tuihual in hong pha ding.