8. KEI TAWH OMKHAWM IN ZBC-26

8.  KEI TAWH OMKHAWM IN
            Abide with Me 
Key:                                         ZBC-26
1. Kei tawh omkhawm in, ni a tum zo a,
Khua mial semsem in kei kiangah om ta,
Hong gum ding a dang omlo laitak in
Hong gum Topa aw kei kiangah om in.
 
2. Leitung nuntakna mengmengin bei thei,
Leitung ah nuamna om tawntung thei kei,
Leitungah siatna ngentang ka mu ta,
Kei tawh omkhawmin sia thei kei Topa,
 
3. Kei tawh omkhawm kei ma tha a pha kei,
Nangmah bekin ze-etna na zo thei,
Nangmah bangin kua’n hong paipih thei maw?
Lungdam loh laitak kei tawh omkhawm aw.
 
4. Thupha na hong piak leh kei ka lau lo,
Dahna khitui’n zong hong sia sak zo lo,
Sihna leh hanin hong zo thei lopi.
Kei tawh na omkhawm leh na zo thei hi.
 
5. Keima ka mit si ka sih laitakin,
Na singlamteh ka mai-ah, Hong lak in.
Vantung khuavak leitung khuamial bei a
Sih laitak kei tawh omkhawmin Topa.